راولپنڈی۔22 مئی(اے پی پی)فیلڈ مارشل سیّد عاصم منیر دی صدارت اچ 270 ویں کور کمانڈرز کانفرنس جی ایچ کیو راولپنڈی اچ تھئی جیندے اچ فورم اندرونی اتے بیرونی سلامتی کوں درپیش چیلنجز اتے مجموعی سکیورٹی صورتحال دا تفصیلی جائزہ گھدا۔ فورم “معرکہ حق” دے ہک اہم اتے فیصلہ کن مرحلے آپریشن “بنیان مرصوص” دی کامیاب تکمیل کوں سراہیا۔ کانفرنس اچ آپریشن “بنیان مرصوص” اتے ضلع خضدار اچ د??شت گرد حملے دے شہداء دے ایصال ثواب سانگے فاتحہ خوانی کیتی گئی۔ شرکاء دا آکھݨ ہا جو خضدار اچ اے سفاکی بھارت دی پشت پناہی نال چلݨ آلیاں پراکسیز دے ذریعے کیتی گئی، دہشت گردی دے نتیجے اچ 4 معصوم ٻال اتے 2 بے گناہ لوک شہید تھئین۔ فورم اے عزم دوہرایا جو شہداء دی رت نا ونڄیسی، پاکستان دے عوام دا تحفظ مسلح افواج دی ہمیشہ اولین ترجیح رہسی۔ فیلڈ مارشل پاکستان دے عوام دی غیر متزلزل حمایت کوں خراج تحسین پیش کریندے آکھیا جو پاکستان دے عوام ساڈی طاقت دا سرچشمہ ہن، بیرونی جارحیت، دہشت گردی اتے انتہا پسندی دے خلاف مشترکہ جدوجہد اچ عوام دے اعتماد کوں پورا کرݨ سانگے پرعزم ہیں ۔ فورم دا آکھݨ ہا جو نہتے شہریاں اتے معصوم ٻالاں کوں ڄاݨ بڄھ تے بݨاوݨ انسانیت دے بنیادی اصولاں دی خلاف ورزی اے، اے عمل بین الاقوامی قوانین دی صریحاً اتے قابل مذمت خلاف ورزی اے۔ فورم کشمیریاں دے حق خود ارادیت سانگے جاری منصفانہ جدوجہد اتے کشمیریاں دی سفارتی، سیاسی اتے اخلاقی حمایت دے غیر متزلزل عزم دا وی اعادہ کیتا۔
فیلڈ مارشل سیّد عاصم منیر دی اڳواݨی اچ 270 ویں کور کمانڈرز کانفرنس، اندرونی و بیرونی سلامتی دے چیلنجز اتے مجموعی سکیورٹی صورتحال دا تفصیلی جائزہ
راولپنڈی۔22 مئی(اے پی پی)فیلڈ مارشل سیّد عاصم منیر دی صدارت اچ 270 ویں کور کمانڈرز کانفرنس جی ایچ کیو راولپنڈی اچ تھئی جیندے اچ...
مضمون کا ماخذ : وائکنگز گو برزرک
