لاہور۔7اپریل (اے پی پی) وفاقی وزیرریلویز محمد حنیف عباسی دی صدارت اچ پاکستان ریلوے ہیڈکوارٹرز اچ ھک اعلیٰ سطحی اجلاس تھئے۔ترجمان موجب اجلاس اچ ریلوے انفراسٹرکچر، مختلف ڈویژنز دی کارکردگی اتے جاری منصوبیں دا تفصیلی جائزہ ڳھدا ڳئے۔اجلاس اچ ایم ایل ون منصوبے تے خصوصی توجہ ݙتی ڳئی ۔ وزیر ریلوے ہدایت کیتی ??و سفر دے دورانیے کوں گھٹ کرݨ سانڳے وختی اقدامات کیتے ونڄن ??ے انجینئرنگ دے رس??ے اچ آندیاں رکاوٹاں مکاوݨ سانڳے ھک سال دی ڈیڈ لائ?? مقرر کیتی ڳئی ۔وزیر ریلوے اجلاس اچ کیماڑی توں حیدرآباد سیکشن تے وختی کم شروع کرݨ دی ہدایت کیتی ۔ انہاں ٹریک بحالی دے منصوبیں تے کم دی رفتار تکھی کرݨ ، سلیپرز دی تیاری چھی مہینے اچ پوری کرݨ تے سال دے چھیکڑ تئیں چار ٹیمپنگ مشیناں قابلِ استعمال بݨاوݨ دی ہدایت کیتی ۔ وزیر ریلوے زور ݙتے جو ریلوے انتظامیہ محمد شہباز شریف دے ترقیاتی ماڈل کوں اپنا تے ھک سال اچ ݙ??سال دا کم پورا کرے ۔ فریٹ ریل گاݙیاں توں ودھ ریونیو گھنݨ تے لیکیج روکݨ سانڳے سخت اقدامات دا اعلان کیتا ڳئے جݙاں جو اجلاس اچ مسافر اتے مال گاݙیاں دی آن لائن بکنگ کوں بہتر بݨاوݨ ??ے انسانی مداخلت ختم کرݨ دا وی فیصلہ کیتا ڳئے نیز وزیر ریلویز ریلوے کالونیاں اچ غیر قانونی طور تے رہݨ آلے لوکاں دی فہرست منگدے ریٹائرڈ افسراں تے غیر متعلقہ لوکاں دی ریلوے ریسٹ ہ??ئو??ز اچ رہائش تے مکمل پابندی لاݙتی ،ریل گاݙیاں دی وختی روانگی یقینی بݨاوݨ سانڳے ترائے مہینے اچ باقاعدگی 90توں 95فیصد تئیں گھن آوݨ دا ہدف مقرر کیتا ڳئے جیں دی نگرانی وزیر ریلویز خود کریسن۔
