اسلام آباد۔ 4 جولائی (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال دی صدارت اچ اعلیٰ تعلیم دے شعبے وچ تنخواہواں دے ڈھانچے وچ اصلاحات متعلق ٹاسک فورس دا چھیواں اجلاس تھیا۔ ایں اجلاس دا مقصد اعلیٰ تعلیم دے شعبے وچ باصلاحیت اَتے قابل استاداں کوں متوجہ اَتے برقرار رکھݨ کیتے تنخواہواں دے نظام کوں جدید خطوط تے استوار کرݨ ہئی۔ اجلاس وچ سرکاری جامعہ دے تنخواہواں دے ڈھانچے ک??ں بین الاقوامی معیاراں نال ہم آہنگ، ودھ مسابقتی اَتے مالی طور تے پائیدار بݨاوݨ متعلق تجویزاں دا جائزہ ڳِھدا ڳئے۔اجلاس وچ ہائر ایجوکیشن کمیشن (ایچ ای سی)، وزارت منصوبہ بندی، صوبائی مح??مہ جاتِ اعلیٰ تعلیم و خزانہ اَتے ݙوجھے متعلقہ سٹیک ہولڈرز دے اعلیٰ حکام شرکت کیتی۔ ایچ ای سی دی ولوں جامعہ کوں درپیش اہم چیلنجز پیش کیتے ڳئے جیں وچ مالی مشکلات اَتے غیر مسابقتی تنخواہواں دی وجہ نال باصلاحیت استاداں ک??ں برقرار رکھݨ وچ درپیش مسئلے شامل ہن۔وفاقی وزیر ٹاسک فورس دے مینڈیٹ کوں دہریندے آکھیا جو ہک ایجھا پائیدار اَتے مارکیٹ نال ہم آہنگ تنخواہواں دا ماڈل تجویز کرݨ ض??وری اے جیڑھا تعلیمی معیار ک??ں بہتر بݨاون، تحقیقی سرگرمیاں کوں ودھارا ݙیون اَتے عالمی معیار دے استاداں کوں متوجہ کرݨ وچ مددگار ہووے۔ انہاں ایچ ای سی کوں ہدایت کیتی جو ہک جامع رپورٹ تیار کیتی ونڄے جیں وچ موجودہ نظام وچ موجود خامیاں، فیکلٹی دے چھوڑݨ دے رجحانات اَتے تنخواہواں دے ڈھانچے دی نویں سروں تشکیل متعلق قابلِ عمل سفارشات کوں قومی ترجیحات اَتے مالی حقائق موجب پیش کیتا ونڄے۔
وفاقی وزیر احسن اقبال دی صدارت اچ اعلیٰ تعلیم دے شعبے وچ تنخواہواں دے ڈھانچے وچ اصلاحات کیتے قائم ٹاسک فورس دا اجلاس
اسلام آباد۔ 4 جولائی (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال دی صدارت اچ اعلیٰ تعلیم دے...
مضمون کا ماخذ : گرم سے زیادہ گرم
