شنگھائی ۔27 جولائی (اے پی پی) وفاقی وزیر شزا فاطمہ خواجہ نال چین دے گواڈونگ گروپ دے بانی ملاقات کیتی اتے پاکستان دے آئی سی ٹی اتے نیو انرجی سیکٹرز اچ سرمایہ کاری دے موقعیں تے ڳالھ مہاڑ کیتی ۔ ایں موقع تے جاری بیان موجب شنگھائی اچ جاری گلوبل آرٹیفیشل انٹیلیجنس کانفرنس دے موقع تے گواڈونگ گروپ دے بانی اتے چیئرمین مسٹر لو جی دی قیادت اچ ہک ترائے رکنی وفد وفاقی وزیر انفارمیشن ٹیک??ال??جی و ٹیلی کمیونیکیشن شزا فاطمہ خواجہ نال ملاقات کیتی۔ وفد پاکستان دے آئی سی ٹی سیکٹر خاص کر ٹیلی کمیونیکیشن ٹاورز، ڈ??ٹا سینٹرز اتے کلاؤڈ کمپیوٹنگ انفراسٹرکچر دے شعبیں اچ سرمایہ کاری اچ دلچسپی ڳھدی۔ مسٹر لو جی پاکستان اچ الیکٹرک گاݙیاں دے چارجنگ سٹیشنز، سمارٹ سٹی حل اتے جدید مٹیریل مینوفیکچرنگ جہے نیو انرجی شعبیں اچ سرمایہ کاری دی خواہش ظاہر کیتی ۔ وفاقی وزیر سرمایہ کاری دیاں تجویزاں دا خیرمقدم کریندے گواڈونگ گروپ کوں پاکستان دا دورہ کرݨ دی دعوت ݙتی تاں جو متعلقہ اسٹیک ہولڈ??ز دے نال مزید تفصیلی مشاورت کیتی ونڄ سڳے ۔ انہاں وفد کوں حکومتِ پاکستان دی طرفوں مکمل تعاون اتے سہولتاں دا یقین ݙیوائے۔ وفاقی وزیر زور ݙتا جو اے اقدامات وزیراعظم شہباز شریف دے وژن “ڈیجیٹل نیشن پاکستان” دے عین موجب ہن جیں دا مقصد پاکستان کوں ٹیک??ال??جی، شمولیتی ترقی اتے جدید ڈیجیٹل انفراسٹرکچر دے ذریعے ترقی دے نویں رستے ڳولݨ تے ٹورݨ اے۔
وفاقی وزیر شزا فاطمہ خواجہ نال گواڈونگ گروپ دے بانی دی ملاقات
شنگھائی ۔27 جولائی (اے پی پی) وفاقی وزیر شزا فاطمہ خواجہ نال چین دے گواڈونگ گروپ دے بانی ملاقات کیتی اتے پاکستان دے آئی...
مضمون کا ماخذ : ریل رش
